Gipa-imbestigahan ni Justice Secretary Leila de Lima sa National Bureau of Investigation (NBI) ang pagkamatay sa usa ka estudyante sa abogasiya sa San Beda nga si Marvin Reglos tungod matud pa sa hazing.
Matud kang de Lima nga gipadali niya sa NBI ang imbestigasyon mahuman nangayo ug tabang ang igsoon sa biktima. Si Reglos nakaangkon ug mga bunol ug samad sa lain-laing parte sa lawas ug gidala ang duha ka mga wala pa giila nga lalaki sa Unciano Medical Center sa Antipolo City kung diin kini gi-deklara nga dead on arrival.
Matud pa ni De Lima nga siya naalar ma sa dihang iyang nahibaloan nga ang fraternity nga nalambigit, usa pa ka alliado sa sorority nga giapilan ni De Lima, apan matud pa sa kalihim nga iyang mahibaloan ang kamatooran kung kinsa ang responsable sa maong insedente. Gidugang pa ni De Lima nga aduna kita't Anti-Hazing Act ug usa kini ka buhat kriminal.
Si De Lima mipadayon sa pamahayag nga kinahanglan na usab nga tun-an ang anti-hazing law aron mahibaloan ang responsibilidad sa mga namunoan sa fraternity nga maoy nagpa-siugda sa hazing.